Finalistas con nervios
O escenario e a solemnidade pesan. Queremos que a súa noite se viva como unha celebración.
Propostaensaia × Miraveo · A Coruña
Unha gala verbeneira.
Mantemos o que importa —o recoñecemento, os discursos, a Bolsa ensaia— e collemos das verbenas o que mellor fan: xuntar a comunidade, sentar á mesa e celebrar sen présas.
02Por que cambiar
O escenario e a solemnidade pesan. Queremos que a súa noite se viva como unha celebración.
Moitos discursos seguidos e un público sentado en filas que mira, pero que case non participa nin conversa.
A comunidade de ensaia vén para coñecerse. A gala é a noite do ano en que máis xente se xunta, e queremos aproveitala.
03O concepto
Da gala collemos o recoñecemento, os discursos e a emoción. Da verbena, a mesa longa, a música e o cartel.
En Galicia, a verbena é a forma máis nosa de xuntar a comunidade. A Verbegala é un híbrido: sobria e chea de valor coma unha gala, próxima e relaxada coma unha verbena.
o que gardamos
o que traemos
o resultado
…e a verbegala é o día en que todo o bosque se xunta no torreiro.
04Obxectivos
05A mesa
Oito persoas finalistas, oito cuncas na mesa. Todas sentadas coa súa comunidade. Cada cunca levará unha pinga azul debuxada e será o obsequio-trofeo de cada finalista.
unha cunca por
cada finalista
a bica no medio,
para compartir
o nome de cada quen
nunha tarxetiña
palliños e
conversa
06O importante
Cambia a forma, non o fondo. A verbegala segue sendo o acto máis importante do ano para ensaia.
Seguen tendo o seu momento, coidado e en silencio. Só máis curtos e mellor colocados na noite.
O recoñecemento ás oito persoas finalistas e a entrega da Bolsa ensaia seguen no centro.
É unha verbegala: unha gala verbeneira. Sobria cando toca, festeira cando apetece.
Non é unha festa… é unha gala verbeneira!
07As ideas
Cada tarxeta é unha idea, co seu custo aproximado e a fase. Preme «Gústame» nas que vos convenzan: quedan gardadas neste navegador e ao final podedes enviárnolas. E se tedes unha idea propia, contádenola aquí abaixo e enviádenola.
08O espazo
A sala de Miraveo na Coruña xa ten un escenario que mira ao centro. Só hai que vestila de torreiro: luces, lazos, mesas longas e unha alfombra azul.
Luces e lazos
do perímetro ao
centro do escenario
O torreiro:
o escenario no
centro de todo
Mesas longas
diante do escenario,
en vez de filas
A alfombra azul
desde a entrada
09Propostas gráficas
Os elementos da verbegala, un a un e soltos, para imaxinalos antes de montalos. Imaxes de referencia, non deseños finais.









Anima Pingo
Torreiro de Miraveo · A Coruña · 2027
10O cartel
Un cartel de festas de aldea de toda a vida —«Grandes festas», «Programa de actos», «Actuarán…», «Organiza a comisión»— reescrito coa identidade de ensaia.
Aínda non hai cartel: o definitivo deseñarase máis adiante. De momento, só o logo e as actividades da noite, como primeira idea.
E veña festa!
11Por fases
Case sen orzamento, así que imos por fases: primeiro o que non custa nada e máis se nota; despois o que podemos conseguir prestado ou doado; ao final, o que depende da sala ou dun apoio extra.
Os niveis de custo son orientativos (sen custo · baixo · medio) e non inclúen prezos: concretaranse con orzamentos reais.